បេសកកម្មរបស់កម្មវិធីតម្រង់ទិសនៃអង្គការដើម្បីភាពញញឹមនៃកុមារគឺផ្ដល់ព័ត៌មានគ្រប់គ្រងជ្រុងជ្រោយ និងជួយសិស្សានុសិស្សស្វែងរកមហិច្ឆតា ចំណាប់អារម្មណ៍ លក្ខណៈសម្បត្តិ និងជំនាញរបស់ពួកគេ ហើយជួយពួកគេឱ្យយល់ដឹងអំពីពិភពការងារ និងប្រព័ន្ធអប់រំ មុនពេលចូលទីផ្សារការងារ។ សិស្សានុសិស្សនឹងអាចធ្វើការសម្រេចចិត្ត និងរៀបចំផែនការការសិក្សា និងអាជីពរបស់ពួកគេបាន។ 

ពួកយើងជឿថា ក្នុងការជ្រើសរើសមុខជំនាញសិក្សាដែលសក្ដិសមបំផុត សិស្សានុសិស្សត្រូវស្គាល់ខ្លួនឯងជាមុនសិន។ សិស្សត្រូវស្គាល់នូវបុគ្គលិកលក្ខណៈ, ចំណាប់អារម្មណ៍, ជំនាញ និងគុណតម្លៃ។ សិស្សក៏ចាំបាច់ស្វែងរកអាជីព និងមុខជំនាញដែលមានសម្រាប់ខ្លួនឯងផងដែរ។ ក្នុងន័យនេះ សិស្សគួរតែជ្រើសរើសអាជីពដែលខ្លួនឯងពេញចិត្ត និងសក្ដិសមបំផុត។ វាពិតជាចាំបាច់ណាស់ ដែលសិស្សម្នាក់ៗត្រូវធ្វើការសម្រេចចិត្តជ្រើសរើសដោយខ្លួនឯង ថាខ្លួនឯងចង់បានអ្វី និងអ្វីដែលជាកត្តាជំរុញទឹកចិត្ត ហើយជៀសវាងក្នុងការឱ្យនរណាម្នាក់សម្រេចចិត្តសម្រាប់អនាគតរបស់ពួកគេ។